Despois de dúas votacións, xa que na primeira as dúas candidaturas quedaban
empatadas a doce votos, Xesús Alonso
Montero foi elixido Presidente da Real Academia Galega (RAG) o pasado día 20,
converténdose no décimo segundo presidente desta institución.
A pesar do resultado tan axustado da votación, o sociolingüista confía que
haxa un ambiente cordial e un clima de concordia entre os académicos; tamén
desexa que a nación galega floreza traballando ao servizo da institución máis
comprometida coa sociedade e co país.
Nado en Vigo en 1928, Montero é licenciado en Filosofía e Letras. Actualmente
é membro do Consello da Cultura Galega así como Catedrático Emérito de
Literatura Galega na Universidade de Santiago de Compostela. Foi o iniciador
dos estudos sociolingüísticos modernos sobre o galego, pero tamén é ensaísta e
poeta.
O novo
presidente da RAG
admitiu ademais que a el lle
gustaría que se volvese a empregar a anterior normativa do galego. Tamén
reiterou que seguirá adiante co recurso presentado contra o decreto do
galego. Ademais, pronunciouse sobre a escolla do vindeiro
homenaxeado no día das letras galegas avanzando que será alguén
importante e que non será unha muller.
BOA
SORTE, PRESIDENTE!!!
AGARDAMOS QUE
SEXAS UN EXEMPLO A SEGUIR.
