A novela transcorre na praia de Madorra (Vigo), o inspector Leo Caldas recibe unha chamada na que o avisan da aparición do cadáver dun mariñeiro, alcumado "O Rubio". Crese que foi un suicidio, ata que, a través da autopsia compróbase que foi un asasinato.
Leo Caldas dálle bastantes quebradeiros de cabeza ao caso. Hai momentos nos que a investigación parece deterse, pero el sempre tenta iniciar novas vías que permitan resolver o misterio.
Acompañado do seu axudante, Rafael Estévez, un aragonés decidido e atrevido, que contrasta co carácter do seu superior.
Ao longo do libro vanse atopando varias pistas que conforman que non foi un suicidio. Pero ademais diso, o inspector ten que atravesar unha etapa persoal difícil: rompe coa súa parella, ten un familiar no hospital... El é un home discreto, ao que non lle gusta ser recoñecido pola súa colaboración no programa de radio Patrulla nas Ondas, que ten un papel importante, mesmo na resolución da trama.
Tamén aparece nomeado varias veces o poeta Carlos Oroza, cliente da taberna á que acode habitualmente Leo Caldas.
A pesar de non haber lido "Ollos de Auga" (a súa primeira novela), a praia dos afogados mantívome intrigada ata o final, aínda que ten un ritmo bastante pausado.
